DÜNYA


Gülləkeçirməz smartfon istehsal edilib

A+ A

Bakı, 18 iyul, AZƏRTAC 

Çinin “Leagoo” şirkəti maksimum dözümlüyə malik “Leagoo M5” smartfon modelini təqdim edib.

AZƏRTAC “ictnews.az” saytına istinadla xəbər verir ki, əsas yenilik korpusu bütöv metal çərçivədən ibarət qurğunun sensorlu displeyi güclü mexaniki ağırlıqlardan sonra salamat qalmasında və işləməyə davam etməsindədir. Aparat istehsalçısı qiyməti 70 dollar təşkil edən “Leagoo M5” displeyini gülləkeçirməz adlandırır. Lakin “YouTube” servisində yayılan videoda qurğunun möhkəmliyi güllə ilə yox, çəkiclə yoxlanılır. Smartfon göründüyü kimi, bu sınaqdan uğurla çıxır. Bundan başqa, “Leagoo M5” mismar vurmaq üçün çəkici əvəz edir, eləcə də üstündən keçən avtomobilin təkərlərinin təzyiqinə dözür.

Smartfonun əsas xarakteristikalarına gəldikdə, 5 düymlü displeyin təsvir ölçüsü 1280×720 piksel təşkil edir. Həmçinin aparat dördnüvəli “МТ6580А” prosessor, 2 qeqabayt tutumlu operativ yaddaş və 16 qeqabayt quraşdırılmış yaddaşla təchiz edilib. Akkumulyator tutumu 2300 milliamper/saata bərabər “Leagoo M5” “Android 6.0” mobil əməliyyat sisteminin idarəetməsi ilə işləyir. Bundan əlavə, qurğu identifikasiya sürəti 0,19 saniyə təşkil edən barmaq izləri skanerinə malikdir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.