CƏMİYYƏT


Gürcüstanda Qafqazın seysmik riski müzakirə edilib

Bakı, 29 iyun, AZƏRTAC

Gürcüstanın Borjomi şəhərində “Qafqaz regionunun seysmik riski” mövzusunda seminar keçirilib. Seminarda Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzinin baş direktoru, AMEA-nın müxbir üzvü Qurban Yetirmişli, Beynəlxalq Seysmotomoqrafiya Laboratoriyasının və zəlzələ ocaqlarının dinamikası şöbəsinin müdiri, geologiya-mineralogiya üzrə fəlsəfə doktoru, dosent S.Kazımova, “Mühəndis geologiyası və seysmik mikrorayonlaşdırma” şöbəsinin mühəndisləri M.Babayeva və L.Məmmədova iştirak ediblər.

Mərkəzin mətbuat xidmətindən AZƏRTAC-a bildiriblər ki, seminar seysmik riskin öyrənilməsi ilə bağlı “SWFT”, “SeysmoSignal”, “QGis” proqramları və onların iş prinsipinin təqdim edilməsinə həsr olunub.

Tədbirə, həmçinin Kanadanın Geologiya Xidmətinin əməkdaşı, Viktoriya Universitetinin professoru Tuna Onur, ABŞ-ın E.Lourens adına Livermor Milli Laboratoriyasının əməkdaşları - professor Rengin Gök və professor Andrea Çiang, Gürcüstan Seysmoloji Mərkəzinin direktoru, professor Tea Qodoladze də qatılıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.