REGİONLAR


Hacıkənddə dolu və sel 114 evə ziyan vurub, 15-dək avtomobil yararsız hala düşüb

Gəncə, 20 iyun, Rauf Hacıyev, AZƏRTAC

Qərb bölgəsində müşahidə olunan leysan yağışları Gəncənin Hacıkənd qəsəbəsində sonradan doluya çevrilib. Güclü dolu səbəbindən qəsəbənin infrastrukturuna ciddi ziyan dəyib. Dolunun ölçüsü 3 santimetrə çatıb.

AZƏRTAC xəbər verir ki, 114 evin dam örtüyü, pəncərələri qırılıb, bəzi evlərə sel suları dolub.

Eyni zamanda, sosial obyektlərə, əkin sahələrinə və 15-dək şəxsi avtomobilə ziyan dəyib.

Gəncə Şəhər İcra Hakimiyyətinin başçısı Elmar Vəliyev Hacıkənd qəsəbəsində olub, təxirəsalınmaz tədbirlərin görülməsi üçün tapşırıqlarını verib. Dəyən ziyanın miqdarını müəyyənləşdirmək və fəsadları aradan qaldırmaq üçün şəhər Fövqəladə Hallar Komissiyasının üzvləri Hacıkənddə tədbirlərə başlayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.