MƏDƏNİYYƏT


“Hədiyyə” YARAT Film Klubunda

A+ A

Bakı, 28 avqust, AZƏRTAC

Avqustun 30-da YARAT Film Klubu “Hədiyyə” adlı ekran əsərini kinosevərlərə təqdim edəcək.

AZƏRTAC xəbər verir ki, dram janrında olan filmin rejissoru Emin Əfəndiyevdir. Ekran əsəri yeni ailə həyatı qurmuş iki gəncin sevgisindən bəhs edir.

Bu iki gənc özlərini cəmiyyətdə hələ də tapmayıblar. Buna baxmayaraq, onlar sevgiləri uğrunda öz həyatlarını belə qurban verməyə hazırdırlar. Filmin ssenari müəllifi Yusif Şeyxov, quruluşçu operatoru Elman Əliyev, quruluşçu rəssamı Şahin Həsənli, icraçı prodüseri Vüsal Abbasov, prodüseri Müşfiq Hətəmovdur.

Filmdə baş rollarda Xalq Artisti Şamil Süleymanlı, aktyorlar Qorqud Cəfərli və İlahə Həsənova çəkiliblər. Xronometrajı 30 dəqiqə olan ekran əsəri Azərbaycan dilində nümayiş olunacaq.

Qeyd edək ki, giriş sərbəstdir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.