İDMAN


Hərbçilərin 31-ci dünya çempionatında daha bir güləşçimiz qızıl medal qazanıb

A+ A

Bakı, 23 sentyabr, AZƏRTAC

Sentyabrın 23-də güləş üzrə hərbçilərin 31-ci dünya çempionatının yunan-Roma növü üzrə keçirilən yarışlarda idmançılarımız güclərini sınayıblar.

Müdafiə Nazirliyinin mətbuat xidmətindən AZƏRTAC-a bildiriblər ki, finala vəsiqə qazanan hər iki təmsilçimiz - Həsən Əliyev (71 kq) və Kamran Məmmədov (66 kq) Rusiya idmançıları ilə qarşılaşıblar. Birinci yer uğrunda görüşdə Həsən Əliyev rəqibi Adam Kuraka qalib gələrək dünya çempionu adına layiq görülüb.

Finaldakı digər idmançımız K.Məmmədov rusiyalı Aleksey Kiyankin ilə qarşılaşıb. Gərgin keçən final görüşündə güləşçimiz rəqibinə məğlub olaraq gümüş medalla kifayətlənib.

Ölkəmizi 59 kiloqram çəki dərəcəsində təmsil edən Murad Məmmədov isə üçüncü yer uğrunda görüşdə Ukrayna nümayəndəsi Yevgeniy Myaqkiy ilə görüşərək rəqibinə qalib gəlib.

Digər təmsilçimiz Sənan Əlimirzəyev (75 kq) də almaniyalı rəqibi Yuretzko Adam üzərində inamlı qələbə qazanaraq bürünc medala layiq görülüb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.