QAN YADDAŞI
Hərbi hissələrdə və qarnizonlarda Xocalı faciəsi ilə əlaqədar tədbirlər keçirilib
Bakı, 26 fevral, AZƏRTAC
Xocalı faciəsinin ildönümü ilə əlaqədar müdafiə naziri, general-polkovnik Zakir Həsənovun təsdiq etdiyi tədbirlər planına əsasən Müdafiə Nazirliyinə tabe olan hərbi hissələrdə və qarnizon (Bakı, Gəncə, Lənkəran və Naxçıvan) zabitlər evlərində anım tədbirləri təşkil olunub.
Müdafiə Nazirliyinin mətbuat xidmətindən AZƏRTAC-a bildiriblər ki, fevralın 26-da hərbi hissələrin şəxsi heyəti tərəfindən Bakıda və digər şəhərlərdə “Xocalı soyqırımı” abidələri ziyarət olunub. Həmçinin ictimai-siyasi hazırlıq dərslərində “26 fevral - Xocalı faciəsi” mövzusunda mühazirələr oxunub. “Xocalıya ədalət” beynəlxalq kampaniyası çərçivəsində bir sıra silsilə tədbirlər və Xocalı sakinləri ilə görüşlər keçirilib.