Hərracda 15 investor tərəfindən 23 sifariş təqdim edilib
Bakı, 1 noyabr, AZƏRTAC
Noyabrın 1-də Bakı Fond Birjasında (BFB) Azərbaycan Respublikasının Mərkəzi Bankının 250 milyon manat həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilib.
BFB-dən AZƏRTAC-a bildiriblər ki, hərrac zamanı 15 investor tərəfindən qiyməti 99.2278 AZN (10.01 faiz) olan 23 sifariş təqdim edilib. Sifarişlərin nominal qiymətlə ümumi məbləği 539 565 500,00 AZN olub.
AMB-nin qərarına əsasən, istiqrazların kəsmə və orta ölçülmüş qiyməti 99.2278 AZN (10.01 faiz) müəyyənləşdirilib. Hərrac nəticəsində istiqrazların yerləşdirilmiş həcmi 250.000.000 AZN təşkil edib. Notlar noyabrın 29-da ödəniləcək.
Bölmənin digər xəbərləri
