SİYASƏT


Həsən Ruhani: Azərbaycan Prezident İlham Əliyevin rəhbərliyi ilə inkişaf edir

Tehran, 22 may, AZƏRTAC 

Azərbaycan Prezident İlham Əliyevin rəhbərliyi ilə inkişaf edir və qonşu dövlətlərlə yaxşı əlaqələr qurub.

Bu sözləri mayın 22-də İran Prezidenti Həsən Ruhani prezident seçildikdən sonra keçirdiyi ilk mətbuat konfransında deyib.

Həsən Ruhani bildirib ki, Azərbaycan ilə İran arasındakı əlaqələr yüksələn xətlə inkişaf edir. Azərbaycan İranın çox yaxşı qonşusu və dostudur. Rəsmi Tehran bundan sonra da Azərbaycanla əlaqələrini inkişaf etdirərək strateji müttəfiqlik səviyyəsinə çatdıracaq.

Həsən Ruhani nəzərə çatdırıb ki, yaxın aylarda Tehranda Azərbaycan, Rusiya və İran arasında üçtərəfli danışıqlar aparılacaq. Üçtərəfli danışıqların əsası 2016-cı ildə Bakıda qoyulub. Həmin vaxt Azərbaycan, Rusiya və İran prezidentləri görüşərək geniş müzakirələr aparıblar. Üçtərəfli əməkdaşlığı davam etdirmək xalqlarımızın mənafeyinə uyğundur.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.