Heydər əl-Abadi: İraq torpaqları İŞİD-dən tam azad olundu
Bakı, 9 dekabr, AZƏRTAC
İraqın Baş naziri Heydər əl-Abadi İŞİD terror qruplaşması ilə müharibənin zəfərlə sona çatdığını, ölkənin bütün ərazisində dövlət bayraqlarının asıldığını elan edib.
AZƏRTAC xarici KİV-lərə istinadla xəbər verir ki, Baş nazirin sözlərinə görə, hökumət qüvvələri İraq-Suriya sərhəd üzərində nəzarəti tam bərpa edib və bununla da İŞİD-ə qarşı müharibə yekunlaşıb.
Xatırladaq ki, 2014-cü ildə qruplaşma İraqın ikinci ən böyük şəhəri Mosul da daxil olmaqla, ölkədə bir çox əraziləri ələ keçirmişdi. 2017-ci ildə bu şəhər azad olunmuş, sonradan digər ərazilərin terrorçulardan təmizlənməsi üçün əməliyyatlara başlanılmışdı.
Bölmənin digər xəbərləri
