DÜNYA


Hillari Klinton seçkiqabağı kampaniyanı davam etdirməyə hazırdır

A+ A

Bakı, 14 sentyabr, AZƏRTAC

ABŞ prezidenti postuna Demokratik Partiyadan namizəd Hillari Klinton pnevmoniya tutmasından sonra seçkiqabağı kampaniyanı davam etdirməyə hazırdır.

AZƏRTAC xəbər verir ki, bu barədə Frans Press agentliyi siyasətçinin seçki qərargahına istinadla məlumat yayıb. “Biz kampaniya çərçivəsində səfərləri cümə axşamı bərpa edəcəyik”, - deyə Klintonun nümayəndəsi Nik Merrill bildirib.

Ötən bazar günü 11 sentyabr terror aktı qurbanlarının xatirəsinə həsr olunmuş mərasimdə halı pisləşən Hillari Klinton tədbiri yarımçıq tərk etmişdi. Onun huşunu itirdiyi bildirilirdi. Bir qədər sonra prezidentliyə namizədin şəxsi həkimi onun sətəlcəm olduğunu bəyan etmişdi.

Hillari Klintonun xəstəliyi ABŞ siyasi dairələrində və KİV-də geniş müzakirələrə səbəb olub.

Xatırladaq ki, ABŞ-da prezident seçkiləri noyabrın 8-də keçiriləcək. Dövlət başçısı postu uğrunda mübarizədə Klintonun əsas rəqibi respublikaçı Donald Trampdır.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.