DÜNYA


Hindistanda avtobus qəzası nəticəsində 14 nəfər həlak olub

A+ A

Bakı, 25 iyul, AZƏRTAC

Hindistanın Bihar ştatında avtobusun qəzaya uğraması nəticəsində aralarında 3 azyaşlı uşağın da olduğu ən azı 14 nəfər həyatını itirib, 6 nəfər isə yaralanıb.

AZƏRTAC xarici KİV-lərə istinadla xəbər verir ki, insident iyulun 25-də Muzaffarpur-Sitamarhi avtomobil yolunda baş verib.

Qəzanın baş verdiyi əraziyə toplaşan yerli sakinlərin etiraz aksiyası keçirərək hadisə qurbanlarına təzminat tələb etdiyi bildirilir. Ştat hökuməti artıq həlak olan hər bir vətəndaşın yaxınlarına 400 min rupi (təxminən 6 min dollar) ayıracağını qeyd edib.

Avtomobil yollarında sıxlıq, yol örtüyünün vəziyyətinin pis olması və sürücülərin intizamsızlığı Hindistanda ciddi yol- nəqliyyat hadisələri ilə müşayiət olunur. Rəsmi məlumata əsasən, hər gün qəzalar nəticəsində ölkədə 400 nəfərə qədər, il ərzində isə təxminən 150 min insan həyatını itirir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.