DÜNYA


“Hörümçək-adam” Alen Rober Barselonada daha bir göydələnə dırmanıb

Bakı, 13 iyun, AZƏRTAC

İspaniyanın hakimiyyət dairələri məşhur fransız “hörümçək-adam” Alen Roberi Barselonada daha bir göydələnə dırmaşdığına görə cərimələyib.

AZƏRTAC xəbər verir ki, Periodico qəzetinin yaydığı məlumata görə, iyunun 12-də Rober hündürlüyü 116 metr olan Melia Barcelona Sky otelinə dırmanıb. Binanın damında onu şəhər qvardiyasının nümayəndələri gözləyirdilər. Cərimənin məbləği 100 avrodan 600 avroya qədər ola bilər.

Alen Rober əvvəllər Barselonanın məşhur göydələnlərindən biri Aqbar qülləsini – 145 metr hündürlüyü olan 34 mərtəbəli binanı üç dəfə “fəth edib”.

Rober dünyanın hər yerində hündür binalara dırmanmaqla 1994-cü ildən məşğul olur. Bu müddətdə o, Dubaydakı “Burc-Xəlifə” qülləsi də daxil olmaqla, müxtəlif obyektlərə 130 dəfə qalxıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.