MƏDƏNİYYƏT


“İçəri Şəhər” bədii filmi növbəti beynəlxalq festivala dəvət alıb

Bakı, 7 mart, AZƏRTAC

İlqar Safatın “İçəri Şəhər” bədii filmi Hindistanın Kottayam və Nilambur Beynəlxalq Film Festivallarına dəvət alıb.

AZƏRTAC xəbər verir ki, filmin nümayişi martın 8 və 12-də Kerala ştatının Kottayam şəhərində, martın 17 və 21 isə Nilambur şəhərində baş tutacaq.

Qeyd edək ki, Mədəniyyət və Turizm Nazirliyinin sifarişi ilə Cəfər Cabbarlı adına “Azərbaycanfilm” kinostudiyasında lentə alınan ekran əsəri psixoloji dram janrındadır.

Filmin ideya və ssenari müəllifi Təhminə Rafaella və İlqar Safat, quruluşçu operatoru Luka Koassin, quruluşçu rəssamı Bütünay Haqverdiyev, icraçı prodüseri Ülvi Qasımov, prodüseri Müşfiq Hətəmovdur.

Filmdə baş rolları Təhminə Rafaella, Firdovsi Atakişiyev, Mehriban Zəki, Elmira Şabanova və digərləri canlandırırlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.