MƏDƏNİYYƏT


“İçərişəhər” Tarix Muzeyində “Musiqili rənglər” sərgisi açılıb

Bakı, 17 sentyabr, AZƏRTAC

Azərbaycan Milli Musiqisi Günü ərəfəsində “İçərişəhər” Tarix Muzeyində “Musiqili rənglər” sərgisi açılıb. Sərginin təşkilatçıları “İçərişəhər” Tarixi Muzeyi və “Da`Art” Təsviri İncəsənət Mərkəzidir.

AZƏRTAC xəbər verir ki, ekspozisiyada təqdim olunan 131 rəsmin hamısı musiqiyə həsr edilib.

Açılış mərasimində muzeyin ictimaiyyətlə əlaqələr və kütləvi-mədəni tədbirlər şöbəsinin rəhbəri İradə Qasımova, Xalq Rəssamı Arif Hüseynov və “Da`Art” Təsviri İncəsənət Mərkəzinin direktoru Dilara Atakişiyeva çıxış ediblər.

Sərginin açılışından sonra Bülbül adına orta ixtisas musiqi məktəbi şagirdlərinin konserti olub.

Xatırladaq ki, 1995-ci ildə, dahi bəstəkar Üzeyir Hacıbəylinin anadan olmasının 110 illik yubileyi ərəfəsində ümummilli lider Heydər Əliyevin imzaladığı fərmana əsasən, sentyabrın 18-i hər il ölkəmizdə Milli Musiqi Günü kimi qeyd olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.