İDMAN


İki azərbaycanlı şahmatçı kadetlər arasında rapid və blits üzrə dünya birinciliyində iştirak edir

Bakı, 2 iyun, AZƏRTAC 

Bu günlərdə Minskdə tarixdə ilk dəfə olaraq kadetlər arasında sürətli şahmat və blits üzrə dünya birinciliyi keçirilir. Turnirdə 24 ölkədən 662 gənc şahmatçı, o cümlədən Azərbaycandan iki şahmatçı iştirak edir.

AZƏRTAC xəbər verir ki, medallar oğlanlar və qızlar arasında 8, 10 və 12 yaş kateqoriyasında keçirilir.

Bu gün və sabah sürətli şahmat çempionatı keçirilir. Azərbaycanlılar arasında mükafat yerlərinə iddialılar ustalığa namizəd Ümid Aslanov (12 yaşadək oğlanlar arasında) və Rauf Seyidovdur (8 yaşadək).

İyunun 4-də blitsdə ən güclülər müəyyən ediləcək.

On iki yaşadək oğlanlar və qızlar arasında rapid üzrə dünya çempionatı İsveçrə sistemi üzrə keçirilir və 9 turdan ibarətdir (10 dəqiqə + 5 saniyə).

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.