DÜNYA


İki gündə Harri Potter haqqında yeni kitabın 2 milyondan çox nüsxəsı satılıb

A+ A

Bakı, 3 avqust, AZƏRTAC

ABŞ və Kanadada satışa çıxdığı ilk iki gündə Coan Roulinqin "Harri Potter və lənətlənmiş uşaq" kitabının 2 milyondan çox nüsxəsi satılıb.

AZƏRTAC blogs.wsj.com saytına istinadla xəbər verir ki, gənc sehrbaz haqqında bundan əvvəl "Harri Potter və ölümün hədiyyələri" kitabı ABŞ-da satışa çıxdığı ilk gündə 8,3 milyon nüsxə satılaraq rekord qırmışdı. Kitabın elektron versiyası isə Pottermore saytında oxucuların ixtiyarına verilib.

Əsər Londonda iyulun 30-da səhnələşdirilmiş tamaşanın geniş oxucu kütləsi üçün uyğunlaşdırılmış versiyasıdır. Məşhur amazon.com alış-veriş platforması kitabın satış rəqəmlərini açıqlamasa da, öncədən sifarişlərin rekord göstəriciləri yenilədiyini vurğulayıb.

Dünyada 200-dən çox ölkədə çap olunan və 79 dilə tərcümə edilmiş Harri Potter haqqında kitablar seriyasının ümumi tirajı 450 milyon nüsxədir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.