ELM VƏ TEXNOLOGİYA


İlin ən parlaq “ulduz yağışı” başladı

A+ A

Bakı, 3 avqust, AZƏRTAC 

Bu ay Yer sakinlərini parlaq “ulduz yağışı” təəccübləndirəcək. Perseida adlı ən güclü meteor axını artıq gecə səmasını işıqlandırmağa başlayıb.

Azərbaycan Milli Elmlər Akademiyasından AZƏRTAC-a bildiriblər ki, Perseida meteor axını hər il avqust ayında baş verir. Ulduz düşməsi adətən iyulun 17-dən avqustun 24-dək fəal olur.

Beynəlxalq meteoroloji təşkilatın verdiyi məlumata görə, avqustun 12-də saat 22.15–dən 00.45-dək ulduz düşməsi fəallığı maksimal həddə çatacaq. Nəticədə, meteorların sayı ötən illərə nisbətən 150-200-dək artacaq.

Qeyd edək ki, “ulduz yağışı” yer atmosferində xırda hissəciklərin yanması nəticəsində yaranır. Əksər meteor axınları kimi Perseida da kometa “quyruğunun” qalıqlarından yaranır. Kometa özü Yer kürəsinə yalnız 135 ildə bir dəfə yaxınlaşsa da, bizim planetimiz onun “quyruğunun” arasından hər il keçir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.