REGİONLAR


İlin əvvəlindən bəri Ağdaşda keçirilən aksiyalarda 15 minə yaxın ağac və gül kolu əkilib

Ağdaş, 24 may, Şahnəzər Bəşirov, AZƏRTAC

Ağdaş rayonunda yaşıllaşdırma tədbirləri uğurla davam etdirilir. Tez-tez rayonun müxtəlif yerlərində iməciliklər təşkil olunur, ağac tingləri və gül kolları əkilir, təmizlik-abadlıq işləri görülür, səliqə-sahman yaradılır.

AZƏRTAC xəbər verir ki, Ağdaşda keçirilən növbəti ağacəkmə aksiyası zamanı rayonun park və bağlarına, küçələrin kənarına, sosial obyektlərin ətrafına, kənd yaşayış məntəqələrinə, Ağdaş-Göyçay, Ağdaş-Qəbələ, Ağdaş-Yevlax və Ağdaş-Ləki avtomobil yollarının kənarına 3500 ədəd qovaq, çinar, palıd və ağcaqayın ağacı, 1500 ədəd gül kolu əkilib.

Aksiyada rayonun rəhbər işçiləri, polis əməkdaşları, idarə, müəssisə və təşkilatların kollektivləri fəal iştirak ediblər. Rayon yaşıllaşdırma idarəsinin tingçilik təsərrüfatında yetişdirilən ağaclar sahələrə əkildikdən sonra suvarılıb, onlara aqrotexniki qulluq göstərilib. Ağacəkmə aksiyası əhali tərəfindən razılıqla qarşılanıb.

Qeyd edək ki, bu ilin əvvəlindən indiyədək Ağdaşda 15 minə yaxın müxtəlif növ ağac və gül kolu əkilib. İməciliklər zamanı avtomobil yollarının kənarlarında da təmizlik-abadlıq işləri görülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.