İQTİSADİYYAT


İlin ilk yarısında Cənubi Qafqaz Boru Kəmərinin gündəlik orta ötürücülüyü 20,1 milyon kubmetr qaz olub

Bakı, 22 avqust, AZƏRTAC

Cari ilin ilk altı ayında Cənubi Qafqaz Boru Kəmərinin (CQBK) gündəlik orta ötürücülüyü 20,1 milyon kubmetr qaz olub. Yanvar-iyun aylarında CQBK ilə bağlı fəaliyyətlərə təqribən 13 milyon dollar əməliyyat və 498 milyon dollar əsaslı xərclər sərf edilib.

Bu barədə AZƏRTAC-a “BP-Azerbaijan” şirkətindən məlumat verilib.

Qeyd edək ki, boru kəməri 2006-cı ilin sonlarında istismara verilib, Azərbaycan, Gürcüstan və Türkiyəyə “Şahdəniz” qazını çatdırır. Kəmərin iki operatoru var – BP şirkəti CQBK obyektlərinin tikintisi və istismarı üzrə məsul texniki operatoru, SOCAR isə CQBK-nın biznes icrası üzrə məsul kommersiya operatorudur.

Cənubi Qafqaz Boru Kəməri şirkətinin sərmayədarları belədir: BP (operator – 28,8 faiz), “AzCQBK” (10 faiz), “SNG Midstream” (6,7 faiz), “Petronas” (15,5 faiz), “LUKOIL” (10 faiz), “NICO” (10 faiz), və TPAO (19 faiz).

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.