REGİONLAR


İlin sonunadək Zaqatalada 12 subartezian quyusu qazılacaq

A+ A

Zaqatala, 22 oktyabr, Mustafa Dadaşov, AZƏRTAC

Bu ilin sonunadək Zaqatala rayonunun qəsəbə və kəndlərində 12 subartezian quyusunun qazılması nəzərdə tutulub. Artıq rayonun Yuxarı Tala kəndində yeni subartezian quyusunun qazılmasına başlanılıb. Yaxın günlərdə Aşağı Tala və Göyəm kəndlərində də quyuların qazılmasına başlanılacaq.

Bu barədə AZƏRTAC-a rayon icra hakimiyyətindən məlumat verilib.

Subartezian quyularının qazılması Azərbaycan Prezidentinin “Əkin sahələrinin suvarma suyu ilə təminatının yaxşılaşdırılması və əhalinin içməli suya olan tələbatının ödənilməsinə dair əlavə tədbirlər haqqında” 2015-ci il 15 dekabr və 2016-cı il 1 iyul tarixli sərəncamlarına əsasən həyata keçirilir.

Ümumiyyətlə, Azərbaycan Prezidentinin müvafiq sərəncamları ilə ayrılmış vəsait hesabına son 3 ildə Zaqatala rayonunun yaşayış məntəqələrində “Meliorasiya və Su Təsərrüfatı” ASC tərəfindən 33 artezian və subartezian quyusu qazılaraq əhalinin istifadəsinə verilib. Bundan əlavə, Yaponiya hökumətinin qrant yardımı proqramı çərçivəsində də son illər rayon ərazisində daha 4 subartezian quyusu qazılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.