CƏMİYYƏT


İlk ingilisdilli debat yay düşərgəsi gənclərin özünüinkişafına səbəb olacaq

Bakı, 2 avqust, AZƏRTAC

Avqustun 4-dən “Lincoln Douglas” formatlı ilk ingilisdilli debat yay düşərgəsinə start veriləcək. Yay məktəbi gənclərin natiqlik bacarıqlarının yüksəlməsinə və özünüinkişafına səbəb olacaq. “Lincoln Douglas” formatında Şəkidə təşkil olunacaq və 3 gün davam edəcək debat yay düşərgəsinə 60-a yaxın gənc qatılacaq.

AZƏRTAC xəbər verir ki, düşərgədə iştirak etmək üçün müraciət ünvanlanmış 300-ə yaxın gənc arasından seçilmiş namizədlərlə müsahibə aparılıb və müsahibədən keçən şəxslər debat yay düşərgəsində iştirak etmək hüququ qazanıblar. Seçilmiş iştirakçılara debatın “Lincoln Douglas” formatı üzrə təlimlər keçilib. Gənclərin bilik və bacarıqlarının inkişafına səbəb olan təlimlər ADA Universitetində təşkil olunub.

Qeyd edək ki, “1st LD Summer Debate Camp” layihəsi Milli Debat Proqramı çərçivəsində Gənclər və İdman Nazirliyinin dəstəyi və DVC təşkilatı, ADA Universiteti və Bakı Mühəndislik Universitetinin birgə təşkilatçılığı ilə keçiriləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.