REGİONLAR


İmişlidə 326 ton yun istehsal olunub

İmişli, 14 iyul, Mahir Babayev, AZƏRTAC

İmişlidə qoyunçuluq əsas təsərrüfat sahələrindən biridir. Rayonda təsərrüfatın bu sahəsinə böyük maraq olduğundan sürülərdə davarların baş sayı ilbəil artır. İndi rayonda onlarla fermer təsərrüfatın bu gəlirli sahəsi ilə məşğul olur və yaxşı mənfəət götürür.

Rayon Statistika İdarəsindən AZƏRTAC-a bildiriblər ki, hazırda rayonun təsərrüfatlarında 256 min 721 baş qoyun-keçi bəslənilir. Bu da ötən ilin müvafiq dövrü ilə müqayisədə 3059 baş çoxdur. Artıq rayonun qoyunçuluq təsərrüfatlarında yun qırxımı yekunlaşıb. Fermerlər bəslədikləri qoyunlardan, ümumilikdə, 326 tona yaxın yun qırxıblar. Hər qoyundan orta hesabla 1,9 kiloqram yun götürülüb.

Qoyunçuluq təsərrüfatları arasında ən yüksək nəticəni fermer Daşqın Kazımov göstərib. Uzun illərdir təsərrüfatın bu sahəsi ilə məşğul olan fermer hər qoyundan 2,2 kiloqram yun, hər 100 baş ana qoyundan isə 125 baş bala əldə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.