REGİONLAR


İmişlidə çuğundur sahələrində bol məhsul yetişib

A+ A

İmişli, 3 oktyabr, Mahir Babayev, AZƏRTAC

Bir neçə gündür ki, İmişlidə şəkər çuğundurunun yığımına başlanılıb.

Rayon statistika idarəsindən AZƏRTAC-a verilən məlumata görə, bu il İmişlidə 215 hektar sahədə çuğundur əkilib. Cari ildə havaların təsərrüfat işləri üçün əlverişli keçməsi və fermerlərin “Kayota”, “Zeper”, “Radofe” kimi yüksək məhsuldar sortların əkininə üstünlük verməsi nəticəsində plantasiyalarda bol məhsul yetişib. Torpaq mülkiyyətçiləri havaların əlverişli keçməsindən yararlanaraq yığımı tez bir zamanda yekunlaşdırmağa çalışırlar. İndiyədək plantasiyalardan 1022 tondan çox məhsul yığılıb.

Fermer Yadulla Əsgərovun dediyinə görə, yığılmış sahələrin məhsuldarlığı orta hesabla 40-45 tona çatır ki, bu da ötənilki göstəricidən xeyli yüksəkdir. Ötən il çuğundur sahələrindən 2 min 321 ton məhsul yığılıb. Əldə olunan ilk nəticələr göstərir ki, bu il məhsul ötən ildəkindən çox olacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.