İmişlidə torpaqların elektron kadastr uçotunun aparılması ilə bağlı maarifləndirici tədbir keçirilib
İmişli, 25 oktyabr, Mahir Babayev, AZƏRTAC
İmişlidəki Heydər Əliyev Mərkəzində “Azərbaycan Respublikasında torpaq münasibətlərinin tənzimlənməsi sahəsində əlavə tədbirlər haqqında” Azərbaycan Respublikası Prezidentinin Fərmanının icrası ilə əlaqədar maarifləndirici tədbir keçirilib.
AZƏRTAC xəbər verir ki, tədbirdə çıxış edən İmişli Rayon İcra Hakimiyyətinin başçısı Vilyam Hacıyev torpaqların elektron kadastr uçotunun aparılması ilə bağlı qarşıda duran vəzifələrdən danışıb.
Kadastr və Ünvan Reyestr Xidmətinin Yer quruluşu torpaq kadastrı və torpaq monitorinq şöbəsinin müdiri Əliqulu Cabbarov torpaqların elektron uçotunun aparılması işləri ilə əlaqədar respublikada həyata keçirilən layihələr barədə məlumat verib. Şöbə müdiri çıxışında Şəki şəhər ərazisinin elektron xəritəsini hazırladıqlarını və torpaqların elektron xəritəyə köçürülməsi işlərinin İmişli rayonunun ərazisində də davam etdiriləcəyini bildirib.
Tədbirdə iştirakçıları maraqlandıran suallar cavablandırılıb.
Bölmənin digər xəbərləri
