İQTİSADİYYAT


İnformasiya Texnologiyalarının İnkişafı Dövlət Fondunun Müşahidə Şurası 29 layihəni maliyyələşdirəcək

A+ A

Bakı, 22 oktyabr, AZƏRTAC

Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondunun Müşahidə Şurasının növbəti iclası keçirilib.

Nazirlikdən AZƏRTAC-a bildirilib ki, 2016-cı il iyulun 1-də elan edilən növbəti qrant müsabiqəsində kompleks ekspertiza mərhələsində müsbət rəy almış layihələrlə bağlı yekun qərar verilib.

Elektron xidmətlərin inkişafı, infrastrukturun təkmilləşdirilməsi, innovativ həllər üzrə layihələrin qəbul edildiyi bu qrant müsabiqəsinə, ümumilikdə 121 layihə təqdim olunub. Bu layihələrdən 112-si ilkin ekspertiza mərhələsini uğurla keçərək kompleks ekspertizaya təqdim olunub və 61 layihə müsbət rəy alıb.

Müşahidə Şurası üzvlərinin səsverməsi nəticəsində yekunda 61 layihədən 29-nun maliyyələşdirilməsi haqqında qərar qəbul edilib.

Qeyd edək ki, Fondun Müşahidə Şurasının qərarı ilə 29 layihəyə, ümumilikdə 395 min AZN qrant vəsaiti ayrılıb.

Qrant müsabiqəsinin qalibləri və ayrılan qrant məbləğləri barədə məlumatları nazirliyin rəsmi internet səhifəsindən (mincom.gov.az) əldə etmək olar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.