REGİONLAR


İnşa yazı müsabiqəsinin qalibləri mükafatlandırılıb

A+ A

Şəmkir, 26 oktyabr, Famil Quliyev, AZƏRTAC

Oktyabrın 26-da Şəmkir şəhər Nizami Gəncəvi adına tam orta məktəbdə rayon gənclər və idman idarəsi və rayon təhsil şöbəsinin birgə təşkilatçılığı ilə Azərbaycanın Dövlət Müstəqilliyi Günü münasibətilə “Müasir müstəqil Azərbaycan” başlığı altında inşa yazı müsabiqəsi keçirilib.

AZƏRTAC xəbər verir ki, bu münasibətlə təşkil olunan tədbirdə çıxış edən Şəmkir Rayon Gənclər və İdman İdarəsinin rəisi, YAP Şəmkir rayon Gənclər Birliyinin sədri Emin İsmayılov müstəqillik dövründə əldə olunan uğurlardan danışıb.

Təhsil şöbəsinin metodisti İlhamə Rzayeva müsabiqənin keçirilmə qaydalarını məktəblilərin diqqətinə çatdırıb. Qeyd edib ki, inşa yazı müsabiqəsində rayonun 30-dan çox məktəblisi iştirak edir və yazıların yoxlanılması üçün komissiya yaradılıb.

Yekunda müsabiqədə qalib gələn məktəblilər elan edilib. Birinci yerə Əhməd Cavad adına tam orta məktəbin şagirdi Həmidə Bağırovanın, ikinci yerə Düyərli 1 saylı orta məktəbin şagirdi Pərvanə Alızadənin, üçüncü yerə isə Düyərli 2 saylı orta məktəbin şagirdi Nuran Salahovanın inşa yazıları layiq görülüb.

Qaliblər gənclər və idman idarəsinin fəxri fərmanları ilə təltif olunublar.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.