ELM VƏ TƏHSİL


İnsan dərisinin yeni 3D-çapı 50 dəfə ucuz başa gələcək

Bakı, 14 iyun, AZƏRTAC 

Koreya alimləri insan dərisinin unikal 3D-çap metodunu hazırlayıblar. Bu, mövcud olan 3D-çap üsullarından 50 dəfə ucuz başa gələcək.

AZƏRTAC robo-hunter.com saytına istinadla xəbər verir ki, dərinin yaradılmasında hibrid printerdən istifadə olunur. Printer bioparçalanan polimerdən ibarət membrana malik xüsusi kollagen material yaradır. Yeni material insan dərisinə olduqca bənzəyir.

Professor Donq-Vu Ço bildirib ki, bu metod üçün 10 dəfə az xammaldan istifadə olunur. Yeni üsulun daha bir üstünlüyü də əldə edilən dərinin hüceyrə birləşmələrinin təzyiqi olmadan da yetişməsidir. Bu kimi toxumaların ənənəvi 3D-çapı isə onların hüceyrələrin strukturunu köçürməsi üçün mütləq hüceyrələrin tətbiqi ilə müşayiət olunur.

Alimlər nümayiş üçün dəri nümunəsi hazırlayıblar. Material 14 gün ərzində stabillik və elastiklik əldə edib. Həmçinin onun üzərində müxtəlif epidermis qatları izlənilib.

Yeni metodun bərpaedici cərrahiyyənin inkişafına əhəmiyyətli dərəcədə təsir edəcəyi güman edilir. Bu metod həkimlərin işini sadələşdirməklə yanaşı, pasiyentləri ağrılı əməliyyatlardan xilas etməyə imkan verəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.