İDMAN


“İnter” mövsümə “Qarabağ” qalibiyyəti ilə debüt edib

A+ A

Bakı, 7 avqust, AZƏRTAC

Avqustun 7-də Azərbaycan Premyer Liqasında mövsümün ilk turunun üçüncü qarşılaşması oynanılıb.

AZƏRTAC xəbər verir ki, “İnter Arena”da keçirilmiş oyunda “İnter” “Qarabağ” komandası ilə üz-üzə gəlib.

Oyuna daha aktiv başlayan qonaqlar matçın 10-cu dəqiqəsində istəyinə çatıb. İlqar Qurbanovun ötürməsindən sonra Reynaldo Səlahət Ağayevin qoruduğu qapıya yol tapıb. Tərəflər fərqlənməyə çalışsalar da, hücumlar nəticə verməyib. İlk hissə bu hesabla da başa çatıb.

Maçtın 69-cu dəqiqəsində meydan sahibinin yeni transferi Ruslan Abışov İbrahim Şehiçini məyus edib. Hücumların sayını artıran meydan sahibləri 74-cü dəqiqədə hesabda önə keçməyi bacarıb. Abışov cərimə zərbəsindən özünün və komandasının ikinci qolunu vurub. Matç bu hesabla da başa çatıb.

Turun sabah keçiriləcək son oyununda isə “Qəbələ” Gəncənin “Kəpəz” klubunu qəbul edəcək.

Qeyd edək ki, turun digər oyunlarında “Neftçi” səfərdə AZAL-ı 2:0, “Sumqayıt” isə “Zirə”ni 1:0 hesabı ilə məğlub edib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.