İQTİSADİYYAT


İnvestorların OPEC-in sazişinə inamı artır

A+ A

Bakı, 6 fevral, Nihad Budaqov, AZƏRTAC

İnvestorların Neft İxrac edən Ölkələr Təşkilatının (OPEC) neft hasilatının azaldılmasını nəzərdə tutan sazişə inamı getdikcə daha çox artır.

AZƏRTAC xəbər verir ki, OPEC və kartelə üzv olmayan digər ölkələrin neft hasilatını azaltması nəticəsində investorların “Layt” markalı neftin qiymətinin artan istiqamətdə davam edəcəyi ilə bağlı gözləntiləri artır.

“Bloomberg”in anketinə görə, OPEC üzrə ötən ay neft təklifi gündəlik 840 min barrel azalıb.

Qeyri-OPEC ölkəsi və ən böyük neft istehsalçısı olan Rusiya da ötən ay saziş üzrə gündəlik neft istehsalını 117 min barrel azaldıb. Azərbaycan hasilatı sutkada 35 min barrel azaltmaqla bağlı götürdüyü öhdəliyi tam yerinə yetirib.

Neftin qiymətinin ötən yeddi həftədə 50 dollar/barrel səviyyəsindən yuxarıda olması isə investorların ABŞ-da şist nefti istehsalına daha çox maliyyə vəsaiti qoymalarına səbəb olub.

Xam neftin qiyməti OPEC və bəzi qeyri-OPEC ölkələrinin ötən il noyabrın sonlarında neft hasilatını azaltmaqla bağlı razılığa gəlməsindən indiyədək təxminən 19 faiz bahalaşıb.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.