İQTİSADİYYAT


İran OPEC-in neft hasilatının azaldılması üzrə razılaşacağına inanır

A+ A

Bakı, 29 noyabr, Nihad Budaqov, AZƏRTAC 

İran Neft İxrac edən Ölkələr Təşkilatının (OPEC) noyabrın 30-da Vyanada keçiriləcək Nazirlər Şurasının 171-ci iclasında hasilatın azaldılması barədə razılığa gələcəyinə inanır.

AZƏRTAC “Mehr” agentliyinə istinadla xəbər verir ki, bu sözləri İranın neft naziri Bijən Namidar Zəncənə Əlcəzairin enerji naziri Nurəddin Butarfe ilə Tehranda keçirdiyi görüşdən sonra deyib.

“Ümumi proseslər və ictimaiyyətə verilən bəyanatlar OPEC-in neft hasilatı və bazarı idarə etmək baxımından razılığa gələcəyinə işarədir”, - deyə iranlı nazir qeyd edib.

Əlcəzairin enerji naziri Nurəddin Butarfe isə OPEC-in razılığa gələcəyi təqdirdə neftin qiymətinin gələn il 55-60 dollar/barrelə yüksələcəyini, müqavilə olmasa isə qiymətin 50 dollar/barreldən aşağıda qalacağını nəzərdə tutduqlarını bildirib.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.