DÜNYA


İran prezident seçkilərinə hazırdır

Tehran, 14 may AZƏRTC

Prezident seçkilərinin şəffaf keçirilməsi üçün bütün lazımi tədbirlər həyata keçirilib. Seçici siyahıları nəzərdən keçirilərək yenidən hazırlanıb.

Bu sözləri İranın daxili işlər naziri Ədürrza Rəhmani Fəzli deyib. Onun sözlərinə görə 80 milyon əhalisi olan İranda 56 milyon 500 min nəfərin səsvermə hüququ var. Ölkə üzrə 64 min seçki məntəqəsi təşkil olunub. Seçkilərdə təhlükəsizliyin təmin olunmasına 160 min polis əməkdaşı cəlb edilib.

Nazir bildirib ki, seçici siyahısında adı olmayan bülleten alıb səs verə bilməyəcək. Namizədlərin nümayəndələrinin seçki prosesini və səslərin sayılmasında iştirakı təmin ediləcək.

Seçki prosesindən və səslərin sayılmasından narazı qalan namizəd 3 gün müddətində Konstitusiyaya Nəzarət Şurasına şikayət ərizəsi ilə müraciət edə bilər.

Xatırladaq ki, mayın 19-da İranda növbəti prezident seçkiləri keçiriləcək. Bu seçkilərdə 6 nəfər namizəd qeydiyyata alınıb. Lakin əsas mübarizənin indiki Prezident Həsən Ruhani ilə İbrahim Rəisinin arasında olacağı ehtimal edilir.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.