DÜNYA


İran qadınlarının ölkənin ictimai-siyasi həyatındakı rolu artır

Tehran, 17 fevral AZƏRTAC

İran qadınlarının 10 faizi dövlət idarəçiliyinə cəlb edilərək uğurla fəaliyyət göstərirlər.

Bu barədə İranın qadın və ailə məsələləri üzrə vitse-prezidenti Şahindoxt Malaverdi açıqlamasında bildirib. O, qeyd edib ki, İslam inqilabından sonra İran qadınlarının cəmiyyətdəki yeri və rolu haqqında dünya ictimaiyyətində yanlış təsəvvür formalaşdırılıb. Vitse-prezident nəzərə çatdırıb ki, 1979-cu ildə baş vermiş İslam inqilabından sonra ali məktəblərdə təhsil alan qızların sayı 14 dəfə artıb. Bu gün İran qadınlarının 22 faizi kənd təsərrüfatı, 25 faizi sənaye sahələrində çalışırlar. Qadınlar ölkənin siyasi həyatında da fəal rol oynayırlar. İran parlamentindəki qadın deputatların sayi 18 nəfərdir.

Prezident Həsən Ruhaninin tövsiyəsinə əsasən, ölkə nazirliyi Sistan, Bəllucistan, Gülüstan və Hörmüzgan ostandarlıqlarına qadın rəhbərlər təyin edib.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.