DÜNYA


İranda qatar qəzası: həlak olanların sayı 31 nəfərə yüksəlib [YENİLƏNİB] VİDEO

A+ A

Bakı, 25 noyabr, AZƏRTAC

Frans Press agentliyinin yaydığı son məlumata görə, İranın Semnan əyalətində sərnişin qatarlarının toqquşması nəticəsində həlak olanların sayı 31 nəfərə yüksəlib. Yetmiş nəfərdən çox insan isə xəsarət alıb. 

Bu barədə əyalətin qubernatoru Məhəmməd Reza Xabbaz  İran televiziyasının efirində məlumat verib.

15:16

İranın Semnan əyalətində sərnişin qatarlarının toqquşması nəticəsində həlak olanların sayı 15 nəfərə çatıb. Daha 62 nəfərin isə yaralandığı bildirilir.

AZƏRTAC xəbər verir ki, Press TV kanalı bu barədə İran Qırmızı Aypara Təşkilatının nümayəndəsinə istinadla məlumat yayıb.

Qəza bu gün səhər İmamşəhr şəhərindəki dəmir yolu stansiyasında baş verib. Platformada dayanmış qatara digər sərnişin qatarı çırpılıb. Toqquşma nəticəsində dörd vaqon relsdən çıxıb, ikisi isə yanıb.

Hadisə yerinə tibb işçiləri və digər fövqəladə xidmət orqanlarının əməkdaşları cəlb olunublar. Qarlı və şaxtalı hava şəraiti xilasedicilərin işini çətinləşdirir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.