DÜNYA


İraq: İŞİD Mosul ətrafındakı mövqelərini itirir

A+ A

Bakı, 21 oktyabr, AZƏRTAC

İraq ordusu və kürd dəstələri Mosul şəhəri istiqamətində gözləniləndən daha sürətlə irəliləyir. İŞİD şəhər ətrafındakı mövqelərini bir-birinin ardınca əldən verir.

AZƏRTAC Euronews telekanalına istinadla xəbər verir ki, üç gün ərzində hökumət qoşunları ABŞ-ın başçılıq etdiyi beynəlxalq koalisiyanın hava dəstəyi ilə İŞİD yaraqlılarının nəzarətində olan 30 yaşayış məntəqəsini, o cümlədən əməliyyat üçün strateji əhəmiyyətə malik Bartalla şəhərini geri qaytarıblar.

Mosul üzərinə hücumlar gücləndikcə, şəhəri tərk edən sakinlərin sayı da artır. Beynəlxalq Miqrasiya Təşkilatının məlumatına əsasən, son sutka ərzində təxminən 5,5 min nəfər öz evini tərk etmək məcburiyyətində qalıb. Beynəlxalq Qırmızı Xaç Komitəsi İraqda, əsasən də Mosul ətrafında vəziyyətin gərginləşməsinin milyona yaxın insanın qaçqın durumuna düşməsinə gətirib çıxaracağını bildirib.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.