İQTİSADİYYAT


İraq neft hasilatının azaldılmasına dair sazişdən çıxa bilər

Bakı, 21 aprel, Nihad Budaqov, AZƏRTAC

Neft İxrac edən Ölkələr Təşkilatının (OPEC) hasilatına görə ikinci böyük ölkəsi olan İraq neft hasilatının azaldılmasını nəzərdə tutan sazişdən çıxa bilər.

AZƏRTAC “reuters.com”a istinadla xəbər verir ki, bunu İraq Milli Alyansının lideri, hakim şiə koalisiyasının rəhbəri Əmmar əl-Hakim deyib.

“Terrorçu qruplaşmalarla mübarizə aparmaq üçün İraqın neft gəlirlərinə ehtiyacı var. Bu vəziyyət nəzərə alınmaqla İraq haqlı olaraq OPEC-in onun üçün istisna edəcəyinə inanır”, - deyə o bildirib.

Xatırladaq ki, ötən il noyabrın 30-da OPEC üzrə gündəlik neft hasilatının 1,2 milyon barrel azaldılaraq 32,5 milyon barrelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barrel azaldılması barədə sazişə imza atıb. Saziş bu ilin birinci yarısı üçün bağlanıb və onun müddətinin uzadılması imkanı nəzərdə tutulub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.