İQTİSADİYYAT


İraq neft hasilatının azaldılmasına dair sazişin müddətinin altı ay uzadılmasına dəstək verəcəyini bəyan edib

Bakı, 23 may, Nihad Budaqov, AZƏRTAC 

İraq Neft İxrac edən Ölkələr Təşkilatına üzv və (OPEC) təşkilata daxil olmayan 11 ölkənin neft hasilatının azaldılması üzrə əldə etdiyi sazişin müddətinin altı ay uzadılmasına dəstək verəcəyini bəyan edib.

AZƏRTAC “bloombeg.com”a istinadla xəbər verir ki, bu bəyanatla İraq Milli Neft Şirkətinin (SOMO) baş direktoru Fələh Əlamri deyib. O, bu açıqlamanı İraqın neft sənayesi naziri Cabbar Əli əl-Layibini adından edib.

Xatırladaq ki, ötən günlərdə dünyanın nəhəng neft istehsalçıları Səudiyyə Ərəbistan və Rusiya, eləcə də Küveyt, Oman və Venesuela hasilatın azaldılmasına dair sazişin müddətinin daha 9 ay uzadılmasının tərəfdarı olduqlarını bildiriblər.

OPEC üzrə gündəlik neft hasilatının 32,5 milyon barrelə endirilməsi barədə razılıq əldə edilib. Bundan başqa, OPEC üzvləri ilə təşkilata daxil olmayan 11 ölkə, o cümlədən də Azərbaycan ümumi hasilatın sutkada 558 min barrel azaldılması barədə sazişə imza atıblar. Saziş bu ilin birinci yarısı üçün bağlanıb və onun müddətinin uzadılması, yaxud digər başqa bir qərarın qəbulu OPEC Nazirlər Şurasının mayın 25-də Vyanada keçiriləcək 172-ci iclasında müəyyənləşəcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.