DÜNYA


İraqın daxili işlər naziri Bağdadda törədilən partlayışdan sonra istefa verib

A+ A

Bakı, 5 iyul, AZƏRTAC

İraqın daxili işlər naziri Məhəmməd Salam əl-Qabban paytaxtda törədilən və 200-dən çox insanın ölümünə səbəb olan partlayışla bağlı vəzifədən getmək qərarına gəlib.

AZƏRTAC TASS informasiya agentliyinə istinadla xəbər verir ki, Bağdadda keçirilən mətbuat konfransında istefa ərizəsini baş nazir Heydər əl-Abadiyə təqdim etdiyini deyən Qabban səlahiyyətlərini müavinlərindən birinin icra edəcəyini bildirib.

Məhəmməd Salam əl-Qabban İraqın güc strukturlarının işində müsbət nəticənin olmamasından məyusluğunu dilə gətirib. Onun sözlərinə görə, təhlükəsizlik orqanları biri-birinin işinə qarışaraq effektiv fəaliyyətə əngəl törədirlər.

Xatırladaq ki, iyulun 2-dən 3-ə keçən gecə Bağdadın mərkəzində çox sayda restoranın və ticarət mərkəzinin yerləşdiyi Əl-Karrada rayonunda iki terror hadisəsi baş verib. Son məlumata görə, insident nəticəsində 213 nəfər həlak olub, 200-dən çox insan yaralanıb.

Partlayışın məsuliyyətini İŞİD qruplaşmasının öz üzərinə götürdüyü bildirilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.