CƏMİYYƏT


“İrəli” İctimai Birliyinin dəstəyi ilə icra olunan “Həftəsonu Bakı” layihəsinə yekun vurulub

A+ A

Bakı, 25 noyabr, AZƏRTAC

Azərbaycan Respublikasının Prezidenti yanında Gənclər Fondunun və “İrəli” İctimai Birliyinin dəstəyi ilə həyata keçirilən “Həftəsonu Bakı” layihəsinin icrası başa çatdırılıb.

İctimai Birlikdən AZƏRTAC-a bildiriblər ki, layihənin məqsədi gənclərin asudə vaxtının səmərəli təşkilinə, onların daha geniş dünyagörüşünə sahib olmalarına, eləcə də istedadlı gənclərin üzə çıxmasına töhfə verməkdir.

Layihə çərçivəsində Bakıda fəal gənclərlə videoçəkilişlər aparılıb. Videoçəkilişlər zamanı gənclər həftə sonlarını necə keçirdikləri haqqında fikirlərini bölüşüblər.

Sonda təqdimat keçirilib və hazırlanan videoçarx ictimaiyyətə təqdim olunub. Videoçarxda gənclərə asudə vaxtlarını necə səmərəli keçirə biləcəkləri haqqında ətraflı məlumat verilir.

“Həftəsonu Bakı” layihəsi, eləcə də videoçarx gənclər tərəfindən böyük maraqla qarşılanıb.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.