DÜNYA


İrkutsk vilayətində Rusiya FHN-ə məxsus İl-76 təyyarəsi yoxa çıxıb

A+ A

Bakı, 1 iyul, AZƏRTAC

İrkutsk vilayətində meşə yanğınlarının baş verdiyi ərazidə uçuş həyata keçirən İl-76 təyyarəsi ilə əlaqə kəsilib. Bu barədə Buryatiyanın fövqəladə xidmət orqanları məlumat verib.

AZƏRTAC RİA Novosti informasiya agentliyinə istinadla xəbər verir ki, göyərtəsində 10 nəfərin olduğu İl-76 təyyarəsi güclü tüstülənmə zonasında, 3 min metr yüksəklikdə yoxa çıxıb. Moskvadan və Krasnoyarskdan hadisə yerinə xilasedici dəstələr göndərilib. Hazırda axtarış əməliyyatlarında 9 hava gəmisi, 292 nəfər canlı qüvvə və 28 ədəd texnika iştirak edir.

Qeyd edək ki, istehsalına keçən əsrin 70-ci illərində başlanan İl-76 nəqliyyat təyyarəsi Rusiyanın Fövqəladə Hallar Nazirliyi tərəfindən insanların və yüklərin daşınması, həmçinin fövqəladə hallar zamanı ərazinin kəşfiyyatında və yanğınların söndürülməsində aktiv istifadə olunur.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.