İDMAN


İslam Həmrəyliyi Oyunlarının atıcılıq yarışlarının ikinci günündə Azərbaycan doqquz idmançı ilə təmsil olunur

Bakı, 14 may, Məhərrəm Əlioğlu, AZƏRTAC

Mayın 14-də Bakı Atıcılıq Mərkəzində “Bakı-2017” IV İslam Həmrəyliyi Oyunlarının atıcılıq yarışlarının ikinci gününə start verilib.

AZƏRTAC xəbər verir ki, bu gün yarışda Azərbaycanın 9 idmançısı çıxış edəcək.

Yarışların ikinci günündə qarışıq komanda halında 10 metrdən pnevmatik tüfənglə atəşaçma, kişilərin 25 metrdən tapança ilə sürətli atəşaçma, qadınların 25 metrdən tapança ilə atəşaçma, kişilərin səngər stendi yarışları keçiriləcək.

Kişilər arasında 25 metrdən tapançadan atəşaçma yarışında Azərbaycanı Ruslan Lunyov təmsil edir.

Qeyd edək ki, Azərbaycan yığma komandasına “Bakı-2017” IV İslam Həmrəyliyi Oyunlarında ilk qızıl medalı Ruslan Lunyov qazandırıb. O, kişilər arasında 25 metr məsafədən tapança ilə atəşaçma yarışında hamıdan dəqiq olub - 581-25 xal.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.