İDMAN


İslamiada: Tennis üzrə kişi cütlüklərin yarışında qızıl medala Türkiyə atletləri sahib olublar

Bakı, 21 may, Elvin Camalov, AZƏRTAC

Mayın 21-də “Bakı-2017”də tennis üzrə kişilərdən ibarət cütlüklərin yarışında Türkiyə təmsilçiləri qızıl medal qazanıb.

AZƏRTAC xəbər verir ki, qızıl medal uğrunda Türkiyəni təmsil edən Altuğ Çelikbilek-İlhan Sarp Ağabigün dueti Amal Sultanbekov-Saidalo Saidkərimov cütlüyü (Özbəkistan) üzərində qələbə qazanıb - 6:2, 6:2.

Bürünc medal uğrunda görüşdə isə Mərakeş təmsilçiləri Amin Ahuda-Ayoub Çakrouni dueti Merzuki Məhəmməd Əssar-Abdul Razak Əhməd (Malayziya) cütlüyünü məğlub edib - 4:6, 6:3, 1:0 (7). Bu qələbə sayəsində Mərakeş təmsilçiləri İslamiadanın bürünc medalına sahib olublar.

Beləliklə, İslamiadada kişilər arasında tennis üzrə cütlüklərin yarışında ilk üç yeri Türkiyə, Özbəkistan və Mərakeş təmsilçiləri tutublar.

Mükafatlandırma mərasimində qaliblərə medalları İslam Həmrəyliyi İdman Federasiyasının baş katibi Faysal Əbdüləziz Əl-Nassar təqdim edib.

Çempion komandanın şərəfinə Türkiyənin dövlət himni səsləndirilib, dövlət bayrağı qaldırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.