REGİONLAR


İsmayıllıda yeni fındıq bağları salınır

İsmayıllı, 8 dekabr, AZƏRTAC

Azərbaycanda aqrar sektorda aparılan islahatlar çərçivəsində ixracyönümlü məhsulların, o cümlədən fındıqçılığın inkişafı istiqamətində ciddi tədbirlər görülür. Prezident İlham Əliyevin bu il avqustun 10-da İsmayıllıya səfəri zamanı verdiyi tövsiyə və tapşırıqlara əsasən hazırda rayonda yeni fındıq bağları salınır.

Rayon kənd təsərrüfatı idarəsindən AZƏRTAC-a bildiriblər ki, İsmayıllıda bu il 1000, gələn ilin yazında isə daha 1000 hektarda fındıq bağlarının salınması nəzərdə tutulub. Payız əkini üçün ərazilər müəyyənləşdirilib, sahələr hazırlanıb. Hələlik 232 hektarda yeni bağlar salınıb, 167 min 295 ədəd fındıq tingi əkilib.

Qeyd edək ki, yeni bağlar əsasən Topçu, Qalınçaq, Diyallı, Kürdmaşı və Sumağallı bələdiyyələrinin ərazilərində salınıb. Hazırda bu istiqamətdə işlər davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.