Bakı, 1 oktyabr (AZƏRTAC). Yerevan Dövlət Universitetində (YDU) Avropa və beynəlxalq hüquq kafedrası fəaliyyət göstərir. Kafedraya xalqların təyini-müqəddərat məsələləri üzrə “ekspert” kimi şöhrət qazanan Vigen Koçaryan başçılıq edir.

YQU-nun yaxınlığında Ermənistan XİN yerləşir. Keçmiş mikrobioloq, infuzoriya və digər birhüceyrəlilər üzrə ekspert, lakin özünü təyini-müqəddərat məsələləri üzrə “nəzəriyyəçi” sayan Şavarş Koçaryan, görünür, yolunu azaraq bura gəlib çıxıb.

Robert adında daha bir Koçaryan da var. Bazası Rusiyada olan REQNUM erməni informasiya agentliyinin sahibi olan bu Koçaryan həmsoyadlarını - beynəlxalq hüquq nəzəriyyəsinin “korifeylərini” müntəzəm surətdə tribuna ilə təmin edir. Bu “koçaryanlardan” soruşsan ki, azərbaycanlılar kimdir, eşitdiyin ilk söz “köçəri” sözü olar. Köçəri soyadını daşıyan bu ermənilər eyniköklü “qohum” Azərbaycan soyadının adını çətin ki, çəkə bilsinlər.

Frakiyadan olan hay köçkünlərinin nəsillərini bir kənara qoyub İspaniyaya keçək. Bu ölkənin Konstitusiya Məhkəməsi Barselonanın noyabrın 9-na nəzərdə tutduğu Kataloniyanın müstəqilliyi haqqında referendumun birtərəfli qaydada təşkilini sentyabrın 30-da 5 ay müddətinə dayandırıb. Bu müddət ərzində məhkəmə təşəbbüsün qanuniliyi ilə bağlı son qərarını verəcək, lakin indinin özündə hansı qərarın çıxarılacağına heç kəs şübhə etmir.

Euronewsun verdiyi xəbərə görə, İspaniyanın Baş naziri Mariano Raxoy bildirib ki, bütün ispanlara aid olan bir məsələni Kataloniya təkbaşına həll edə bilməz. Madrid milli və beynəlxalq hüquqa da istinad edərək, kataloniyalıların noyabrın 9-na təyin olunan təyini-müqəddəratını qanunsuz adlandırıb.

Xatırladaq ki, İspaniyanın Əsas Qanunu (eləcə də Azərbaycan Konstitusiyası) referendumları, o cümlədən dövlətin ayrıca bir hissəsinin müstəqilliyi və ya dövlət sərhədlərinin dəyişdirilməsi barədə plebisiti yalnız ölkənin bütün vətəndaşlarının iştirak edəcəyi təqdirdə keçirməyə imkan verir. Barselonanın Kataloniyanın müstəqilliyi haqqında referendumun keçirilməsinə dair birtərəfli, Madriddəki mərkəzi hökumətlə razılaşdırılmayan addımları ilə Xartumun və Londonun razılığı ilə müvafiq olaraq, Cənubi Sudanda və Şotlandiyada keçirilən referendumlar arasında əhəmiyyətli fərq məhz mərkəzi hökumət tərəfindən icazə, “xeyir-dua” verilməsidir (koçaryanları qandırmaq üçün belə sinonimləri çox sadalamaq olar)! Postsovet məkanında, o cümlədən Dağlıq Qarabağda qondarma referendumların təşkilatçıları Bakıdakı, Kişineudakı, Tbilisidəki və Kiyevdəki mərkəzi hakimiyyət orqanlarından məhz həmin razılığı almayıblar. Zənnimcə, İspaniya hökuməti təyini-müqəddərat nəzəriyyəsi ilə erməni mikrobioloqları qədər “dərindən” tanış deyil, yaxud, sadəcə onların “ekspert rəyini” soruşmağı unudub. Halbuki onlar savadsızlığın ləğv edilməsi tədbirlərindən sonra dəfələrlə, tamamilə ciddi şəkildə çox səfeh bir tezisi təkrarlayıb bildirirlər ki, guya təyini-müqəddərat hüququ “BMT-nin əsas məqsədidir”, dövlətlərin ərazi bütövlüyü isə guya bu məqsədə çatmaq “vasitəsidir”, yaxud sitatdan uzaqlaşmasaq, “bu məqsədə çatmağa yönələn prinsipdir” (.http://www.regnum.ru/news/polit/1530803.html). BMT Nizamnaməsinin bundan cəfəng traktovkasını düşünüb tapmaq sadəcə mümkün deyil. Odur ki, belə bir traktovka intellekt üzrə Şnobel, yaxud antinobel mükafatına tam layiqdir.

Nə etməli, bizim koçaryanlar da, onların son dərəcə cəfəng fikirlərini sevinə-sevinə udan auditoriya da bu cürdür. Etiraf edim ki, hətta İspaniya Konstitusiya Məhkəməsinin qərarının onları sağaldacağına böyük şübhələrimiz var. Aşağıda terapevtik mövzuda məqalələrə istinadların siyahısını yerləşdiririk. Əfsuslar olsun ki, bu məqalələr də erməni xəstəliyinin qarşısında gücsüz olub.

http://day.az/news/politics/162531.html

http://aze.az/id/50941

http://azertag.az/ru/xeber/Kosovo_pravo_na_samoopredelenie_i_Kozlenok_v_moloke-737123

http://regnum.ru/news/polit/1364816.html

http://1news.az/politics/20110114095104890.html

http://aze.az/id/50736

http://aze.az/id/50851

http://aze.az/id/51150

http://aze.az/id/79265