DÜNYA


İspaniyada “3D” printerdə çap edilmiş dünyada ilk piyada körpüsü istifadəyə verilib

Bakı, 28 yanvar, AZƏRTAC

İspaniyanın Alkobendas şəhərində tamamilə “3D” printerdə çap edilmiş dünyada ilk beton körpü təqdim edilib. Kastiliya-La-Mança parkında qurulmuş körpünün uzunluğu 12, eni isə 1,75 metrdir.

AZƏRTAC “techcult.ru” saytına istinadən xəbər verir ki, layihənin dizaynı Kataloniya Müasir Memarlıq İnstitutu tərəfindən hazırlanıb. Körpü üzvi və biomimetik memarlıq üslubunda yaradılmış səkkiz ayrı-ayrı hissədən ibarətdir.

“3D” çap texnologiyası materialın artığını təkrarən istifadəyə, istənilən forma və çətinlikdə obyektlər yaratmağa imkan verir. Canlı orqanizmlərin toxumalarını imitasiya edən struktur çap edilmiş məhsulları çox möhkəm edir.

Çap texnologiyası ilə hazırlanmış körpüyə cavabdeh şirkət rəsmisinin sözlərinə görə, ilk uğurlu layihə yaxın gələcəkdə İspaniyada “3D” printerdə yaradılmış yeni şəhər obyektlərinin yaradılacağına ümid verir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.