DÜNYA


İspaniyada kimya zavodunda partlayış baş verib VİDEO

Madrid, 9 fevral, AZƏRTAC 

İspaniyanın Valensiya vilayətindəki Paterna şəhərində yerləşən, “İndukern” şirkətinə məxsus kimya zavodunda güclü partlayış baş verib. İlkin versiyaya görə, partlayışa əməkdaşlardan birinin asetonla ehtiyatsız davranması səbəb olub. Həmin əməkdaş 2-ci dərəcəli yanıq diaqnozu ilə hospitala yerləşdirilib.

Partlayışdan sonra başlayan yanğının alovu 50 metrədək yüksəlib və külək nəticəsində yaxınlıqdakı bina da alışıb. Kimyəvi zəhərlənmədən ehtiyat edən yerli hakimiyyət orqanları ətrafdakı əhaliyə evlərdən çıxmağı qadağan edib, məktəblərdə dərslər təxirə salınıb. Lakin daha sonra ciddi təhlükənin olmadığı müəyyən edilib və qadağalar aradan qaldırılıb.

Aygün Əliyeva

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.