DÜNYA


İsrail polisi Əl-Əqsa məscidində təhlükəsizlik tədbirlərini ləğv edib

Bakı, 27 iyul, AZƏRTAC

İsrail polisi Şərqi Qüdsdə yerləşən Əl-Əqsa məscidi rayonunda ərəb-müsəlman icmasının, ümumən İslam dünyasının kəskin etirazla qarşıladığı təhlükəsizlik tədbirlərinin ləğv olunduğunu elan edib.

AZƏRTAC RİA Novosti informasiya agentliyinə istinadla xəbər verir ki, əhəmiyyətinə görə İslamın üçüncü müqəddəs yeri sayılan ərazinin girişində sonuncu metal baryer və müşahidə kameraları asılan ramplar iyulun 27-nə keçən gecə sökülüb. Bu güzəştlərin təhlükəsizlik tədbirlərini boykot edən müsəlmanları qane edib-etməyəcəyi bilinmir. Dindarlar hələ də Məbəd Dağındakı məscidlərə getməkdən boyun qaçırır və dini liderlərinin qərarını gözləyirlər.

Artıq on gündən çoxdur ki, fələstinlilər və İsrail ərəbləri Əl-Əqsa məscidinin girişinə metal detektorlarının quraşdırılmasına qarşı etiraz aksiyaları keçirirlər. Yaranan böhran səbəbindən baş verən toqquşmalarda indiyədək azı 6 nəfərin həlak olduğu və yüzlərlə insanın yaralandığı bildirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.