İstanbulda İslam Əməkdaşlıq Təşkilatının fövqəladə toplantısı keçiriləcək
Tehran, 6 dekabr AZƏRTAC
Türkiyə Prezidenti Rəcəb Tayyib Ərdoğanın təşəbbüsü ilə dekabrın 13-də İstanbulda İslam Əməkdaşlıq Təşkilatının fövqəladə toplantısı keçiriləcək.
Bu gün İran Prezidenti Həsən Ruhani ilə Türkiyə Prezidenti Rəcəb Tayyib Ərdoğan arasında telefon danışığı olub. Söhbət əsnasında hər iki prezident ABŞ-ın İsraildəki səfirliyinin Təl-Əvivdən Qüdsə köçürülməsini tənqid ediblər. Qeyd olunub ki, Qüdsün İsrailin paytaxtı elan edilməsi ideyası onsuzda qeyri-sabit olan Yaxın Şərqdəki vəziyyəti daha da kəskinləşdirəcək.
Türkiyə Prezidenti iranlı həmkarına dekabrın 13-də İstanbulda İslam Əməkdaşlıq Təşkilatının fövqəladə toplantısını çağırdığını bildirib və H.Ruhanini toplantıya dəvət edib.
Xatırladaq ki, hazırda Türkiyə İslam Əməkdaşlıq Təşkilatına sədrlik edir.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
