DÜNYA


İsveç milli rəqəmsal valyutasını buraxmağı planlaşdırır

A+ A

Bakı, 17 noyabr, AZƏRTAC

İsveç yaxın iki il ərzində "ekrona" adlı milli rəqəmsal valyutasını buraxmağı planlaşdırır.

Bu barədə AZƏRTAC "banks.eu" saytına istinadla xəbər verir.

İsveçin "Riksbank" Mərkəzi Bankının müdirinin müavini Sesiliya Skinqsley bildirib ki, İsveç ölkədə nağd vəsaitlərin istifadəsinin kəskin düşməsindən atılacaq addımları nəzərdən keçirir. Belə ki, 2009-cu ildən ölkədə dövriyyədə olan banknot və sikkələrin sayı 40 faiz düşüb.

Bu ilin əvvəllərində Böyük Britaniyanın Daxili İşlər Nazirliyi rəqəmsal valyutanın ölkə üçün bir sıra üstünlüklərə malik olduğunu deyib.

Qeyd edək ki, 1660-cı ildə İsveçin "Riksbank" bankı dünyada kağız əsginaslar buraxmağa başlayan ilk Mərkəzi Bank olub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.