DÜNYA


İsveçdə maliyyə xidmətləri vergiyə cəlb oluna bilər

A+ A

Bakı, 28 noyabr, AZƏRTAC

İsveç hökuməti yanında təşkil edilmiş xüsusi komissiya maliyyə sektorunda fəaliyyət göstərən şirkətlər üçün “maliyyə fəaliyyəti növlərinə” 15 faizlik vergi tətbiq etməyi təklif edib.

AZƏRTAC “vergilər.az” saytına istinadla bildirir ki, yeni yığım 2018-ci il yanvarın 1-dən banklar və bir sıra maliyyə müəssisələri tərəfindən ödənilən əməkhaqqının məbləğinə əsaslanacaq.

Maliyyə fəaliyyətinə vergi qoyulması Avropa İttifaqının qanunvericiliyinə uyğun olaraq əlavə dəyər vergisindən azad edilmiş sənaye, maliyyə xidmətləri sahələrində vergi payının artırılmasına yönəldilib.

Hökumətin planına əsasən, əgər maliyyə xidmətləri əlavə dəyər vergisinə cəlb olunarsa, maliyyə sektoru 2018-ci ildə büdcəyə 19 milyard İsveç kronu (2 milyard ABŞ dolları) məbləğində əlavə vergi ödəyəcək.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.