DÜNYA


İtaliya muzeyləri zəlzələnin fəsadlarının aradan qaldırılması üçün pul yığıb

A+ A

Bakı, 30 avqust, AZƏRTAC

İtaliya muzeyləri bir həftə əvvəl ölkədə baş vermiş dağıdıcı zəlzələnin fəsadlarının aradan qaldırılması üçün 610 min avro pul yığa bilib. Bu barədə məlumatı ölkənin Mədəni İrsi və Fəaliyyəti nazirliyi yayıb.

AZƏRTAC xarici KİV-lərə istinadla xəbər verir ki, bu məbləğ yalnız dövlət muzeyləri tərəfindən satılmış biletlərdən əldə olunan gəlirdir. Bu maddi yardım kampaniyasına bələdiyyə, özəl və dini muzeylərdən gələn vəsait də əlavə ediləcək.

Qeyd edək ki, İtaliyanın mədəni fəaliyyət və turizm naziri Dario Françeskinin yardım çağırışından sonra avqustun 28-də ölkə muzeylərini 70 mindən çox adam ziyarət edib. Bilet satışından əlavə qısa nömrəyə göndərilən SMS-lər vasitəsilə də yığılan maddi yardım 10 milyon avrodan çoxdur.

Xatırladaq ki, avqustun 24-də baş vermiş 6,3 ballıq zəlzələ Akkumoli və Amatriçe şəhərlərində iri dağıntılara səbəb olub, 300-ə yaxın adam həlak olub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.